მეცნიერი პატარა ქვეყნიდან | ლევან ტიელიძე - ერთადერთი ქართველია, რომელსაც ანტარქტიდაზე სამეცნიერო მისიით უმუშავია
გამოქვეყნდა:
გლაციოლოგი ლევან ტიელიძე ერთადერთი ქართველია, რომელსაც ოდესმე ანტარქტიდაზე სამეცნიერო მისიით უმუშავია. ის ხანგრძლივი პერიოდის განმავლობაში აკვირდებოდა მსოფლიოს ერთ-ერთ ყველაზე დიდ, დენმენის მყინვარს, რომელიც კლიმატის გლობალური ცვლილების გამო რეკორდული სისწრაფით დნება. ანტარქტიდა ის სამყაროა, სადაც ადამიანი ჯერაც სტუმარია და არა მბრძანებელი, და სადაც ყველაზე კარგად შეიძლება გლობალური დათბობის ნეგატიური ეფექტების გაზომვა. თუმცა სამეცნიერო ექსპედიციისთვის ეს კონტინენტი ნამდვილი ჯადოსნური სკივრია, რომელიც ჯერ კიდევ უამრავ საიდუმლოს მალავს.
