დროებით ოკუპირებული აფხაზეთის ე.წ. პრეზიდენტის "კორტეჟი" გუშინ, 12 მარტს ავტოსაგზაო შემთხვევაში მოყვა. აფხაზური პორტალის ცნობით, შემთხვევის დროს ასლან ბჟანია ერთ-ერთ მანქანაში იმყოფებოდა. სავარაუდოდ ის არ დაშავებულა.
„იმის გათვალისწინებით, რომ კანონი არ არის საპრეზიდენტო ავტოკოლონისთვის და მისი დანახვისთანავე ყველა უნდა გადავიდეს გზიდან, პრეზიდენტის კორტეჟის მანქანა გამვლელ მანქანას შეეჯახა. გასაკვირია, რომ ორი ზოლი თავისუფალი იყო, მაგრამ პრეზიდენტის მანქანამ მოახერხა ერთადერთ მანქანასთან შეჯახება, რომელიც იმ მომენტში გზატკეცილზე იყო“, - ნათქვამია ანგარიშში.
ტელეგრამის არხზე გამოქვეყნდა ვიდეო, სადაც ნათქვამია, რომ დაზიანებული მანქანა "აფხაზეთის მინისტრთა საბჭოს" შენობის წინ გვიან საღამომდე იდგა.
"ოფიციალურ სტრუქტურებს" ამ ინფორმაციაზე კომენტარი არ გაუკეთებიათ.
