"ხმაურმა გაგვაღვიძა, ჩამოლეწილი იყო ფანჯრები... შუშები ეყარათ ბავშვებს" | სამტრედიის ქუჩაზე 9 სართულიანი კორპუსის მდგრადობას ამოწმებენ
გამოქვეყნდა:
სამტრედიის ქუჩაზე ამ წუთებში ექსპერტები მუშაობენ და 9 სართულიანი საცხოვრებელი კორპუსის მდგრადობას ამოწმებენ. შენობაში, სადაც 93 ოჯახი ცხოვრობს, ძლიერი აფეთქება ღამის დაახლოებით 3 საათზე მოხდა, რაც სავარაუდოდ ბუნებრივი აირის გაჟონვას მოყვა.
აფეთქების კერა კი პირველ სართულზე განთავსებული კომერციული ფართი აღმოჩნდა. კორპუსში მაცხოვრებლები ამ ეტაპზე შენობიდან გამოყვანილები არიან. შუშები ჩაიმსხვრა გვერდით მდებარე კორპუსებშიც.
ავტორი: დავით კობიძე
