"კმარა პუტინის ტყუილები, ომი, რეპრესიები..." | თბილისში მცხოვრები რუსების აქცია
გამოქვეყნდა:
რუსები პუტინის წინააღმდეგ - თბილისში, რუსეთის მოქალაქეებმა საპროტესტო აქცია გამართეს. დემონსტრანტებმა აქციაზე მიიტანეს ბანერები წარწერებით: "პუტინი მკვლელია", "კმარა პუტინის ტყუილები, ომი, რეპრესიები".
აქციის მონაწილეებმა მსვლელობით თავისუფლების მოედნისკენ გადაინაცვლეს, სადაც კიდევ ერთი აქცია გამართეს. მათი თქმით, ისინი პუტინის პრეზიდენტობას არ აღიარებენ.
"საქართველოში არის რუსული ოკუპაცია, ამიტომ მოვედით, რომ ვთქვათ ეს ყველაფერი. ათასობით რუსი კი სხვადასხვა ქვეყანაში გააკეთებს თავის საქმეს, პროპაგანდისა და დეზინფორმაციის წინააღმდეგ. უკრაინელი დევნილების დასახმარებლად", - ამბობს აქციის ერთ-ერთი მონაწილე.
დღეს, 17 მარტს, რუსეთშო საპრეზიდენტო არჩევნების ბოლო, მესამე დღეა.
