წინასამატჩო დაძაბულობა, 120 წუთიანი ნერვების ომი და სახალხო ზეიმი | ისტორიის მწერლები
გამოქვეყნდა:
ისტორია უკვე დაიწერა, პირველად საქართველო ევროპის ჩემპიონატის ჯგუფურ ეტაპზე იასპარეზებს. ეს გაცილებით მეტია, ვიდრე მხოლოდ სპორტული მიღწევა, რადგან დამოუკიდებლობის აღდგენის მომენტიდან დღემდე, პირველად ხდება, როცა ასეთ დიდ ტურნირზე, კონტინენტის პირველობაზე საქართველო იქნება წარმოდგენილი. ევროპაში მივდივართ და ამით ყველაფერია ნათქვამი, არა მხოლოდ საფეხბურთო დონეზე. წინასამატჩო დაძაბულობა, 120 წუთიანი ნერვების ომი და შემდეგ დაწყებული სახალხო ზეიმი, ესეც იმ ლამაზი ისტორიის ნაწილად დარჩება, როცა მთელი ქვეყანა ერთი მიზნის და გამარჯვების გარშემო გაერთიანდა.
