შინაგან საქმეთა სამინისტროს ცენტრალური ოფისიდან თანამშრომლების ევაკუაცია მოხდა. ერთ-ერთი ვერსიით, შესაძლოა, ძალოვან უწყებაში კორონავირუსის შემთხვევა გამოვლინდა.
თანამშრომლების ევაკუაციის ოფიციალური მიზეზი შსს-ს ჯერჯერობით არ გაუვრცელებია. პრესსამსახურში ამბობენ, რომ უწყების შენობასა და მის მიმდებარე ტერიტორიაზე სადეზინფექციო სამუშაოები განხორციელდა.
ამ დროისთვის, შსს-ს შენობაში მიმოსვლა აღდგენილია და თანამშრომლები შეუფერხებლად გადაადგილდებიან.
