შეფი ნოდარ ტურაშვილი გაათავისუფლეს - ინფორმაციას სოციალურ ქსელში მისი ოჯახის წევრები და ახლობლები ავრცელებენ. არსებული ინფორმაციით, ის ორთაჭალის განყოფილებაში ჰყავდათ გადაყვანილი;
ადვოკატები რამდენიმე საათის განმავლობაში ცდილობდნენ ტურაშვილის ადგილსამყოფლის დადგენას.
შეგახსენებთ, რომ შეფ ნოდარ ტურაშვილს პოლიციამ რესტორანში მიაკითხა და იქიდან წაიყვანა. ტურაშვილი სხვადასხვა სოციალურ პლატფორმაზე აქტიურად ათავსებდა რუსული კანონის საწინააღმდეგო აქციის მხარდამჭერ პოსტებსა და ვიდეოებს.
