"ერთობით შევქმნათ ცოცხალი ჯაჭვი - არა რუსულ კანონს" | ბათუმში დღეს აქცია გაიმართება
გამოქვეყნდა:
"ერთობით შევქმნათ ცოცხალი ჯაჭვი - არა რუსულ კანონს" - ბათუმში დღეს, 18:00 საათზე, არასამთავრობო ორგანიზაცია "საორსა" რუსული კანონის საწინააღმდეგო აქცია-პერფორმანსს გამართავს.
"11 მაისს, 18:00 საათზე ერთობით ვერთიანდებით, რათა ერთად ვუთხრათ არა - რუსულ კანონს.
ბათუმის ცენტრალურ პარკში, ნურის ტბის ირგვლივ ერთად შევკრათ ცოცხალი ჯაჭვი, ერთად გავაზიაროთ ევროპული მომავლის შესაძლებლობები.
გელოდებით - დროა ჩვენი გაერთიანების: ჩვენი შვილების უსაფრთხოებისთვის, ჩვენი შვილების კეთილდღეობისთვის, მათი განათლებისთვის, დასაქმებისთვის, ჯანმრთელობისთვის და მშვიდობიანი თანაცხოვრებისთვის.
#გელით ყველას ნურიგელის ტბასთან, 18:00 საათზე.
თითოეული თქვენგანის მხარდაჭერა ძალიან მნიშვნელოვანია, ახლა ყველაზე მეტად გვჭირდება ერთობა და ერთმანეთის მხარდაჭერა," - ნათქვამია განცხადებაში.
