არა რუსულ კანონს! | ვაშინგტონსა და ლონდონში ქართველმა ემიგრანტებმა აქციები გამართეს
გამოქვეყნდა:
არა რუსულ კანონს! - ვაშინგტონსა და ლონდონში ქართველმა ემიგრანტებმა რუსული კანონის საწინააღმდეგო მორიგი აქცია გამართეს და სოლიდარობა გამოუცხადეს თბილისში მიმდინარე პროტესტის მონაწილეებს.
ემიგრანტები ხელისუფლებას მოუწოდებენ, რომ გაიწვიოს ანტისახელმწიფოებრივი, ქვეყნისთვის დამაზიანებელი კანონპროექტი და შეწყვიტოს ძალადობრივი კამპანია.
"მოვედით საელჩოს წინ, რათა ჩვენი სოლიდარობა, მხარდაჭერა და პატივისცემა გამოვხატოთ ყველა იმ ადამიანის მიმართ, ვინც ფიზიკური ძალადობის, დაშინების, მუქარის მიუხედავად, დღეს ჩვენი ქვეყნის, ჩვენი სამშობლოს მომავალს იცავენ," - ამბობს ვაშინგტონში გამართული აქციის ერთ-ერთი მონაწილე.
