ბანკების უარი საქართველოს | "ოცნების" პრორუსული პოლიტიკა საქართველოს მილიარდებს დააკარგვინებს
გამოქვეყნდა:
რუსული კანონი საქართველოს მილიარდებს დააკარგვინებს. "ქართული ოცნების" ხელისუფლების პრორუსული პოლიტიკა და ადამიანის უფლებების სრული უგულებელყოფა მსხვილ საერთაშორისო დონორებს კითხვებს უჩენს და გადაწყვეტილებისკენ უბიძგებს. მსოფლიო ბანკი, ევროპის და აზიის განვითარების ბანკები, შესაძლოა, საქართველოში პროექტების დახურვაზე დაფიქრდნენ. მხოლოდ ამ საერთაშორისო დონორების მიერ დაფინანსებული ინფრასტრუქტურული სამუშაოების მოცულობა მინიმუმ 10 მილიარდს აჭარბებს. რუსული კანონის მიღებით საერთაშორისო ორგანიზაციების გასვლა საქართველოდან შეაჩერებს საავტომობილო გზების, გვირაბებისა და ხიდების, წყალმომარაგების სისტემებისა და თბილისის მეტროპოლიტენის მშენებლობას. დაფინანსება შეუწყდება ათასობით საშუალო ბიზნესს და სტრატაპს.
