ძლიერი წვიმისა და ნალექის შედეგად, კახეთში რამდენიმე მდინარე ადიდდა | დაიტბორა მიწის ნაკვეთები და ვენახები
გამოქვეყნდა:
სტიქია კახეთში - ძლიერი წვიმისა და ნალექის შედეგად, რამდენიმე მდინარე ადიდდა. კალაპოტიდან გადმოვიდა მდინარე ჭიჭაყვი და სტორი თელავის მუნიციპალიტეტის ტერიტორიაზე, სოფელ ფშაველში. დაიტბორა სასოფლო-სამეურნეო მიწის ნაკვეთები და ვენახები.
ადგილზე გარკვეული ტექნიკა მუშაობს. თუმცა, ადგილობრივები ამბობენ, რომ ეს საკმარისი არაა სათავე- ნაგებობის გასაწმენდად. მათი თქმით, მძიმე ტექნიკის მობილიზების გარეშე, წყლის ნაკადს ვერ შეწყვეტენ.
ავტორი: ია გულიაშვილი
