აქცია სოფელ ზოდში | მოსახლეობა მანგანუმის მოპოვებითი სამუშაოების შეჩერებასა და ლიცენზიის გაუქმებას ითხოვს
გამოქვეყნდა:
ჭიათურის მუნიციპალიტეტის სოფელ ზოდში საპროტესტო აქცია გაიმართა. აქციის მონაწილეები სოფელში მანგანუმის მოპოვებითი სამუშაოების შეჩერებასა და გაცემული ლიცენზიის გაუქმებას ითხოვენ.
მოსახლეობის განცხადებით, სოფელ ზოდში "ჯორჯიან მანგანეზის" სამუშაოების გამო ნაპრალები გაუჩნდა მიწას, დაჩქარდა მეწყრული პროცესები და რიგ შემთხვევებში დაზიანდა გზა და საცხოვრებელი სახლები.
ასევე, მანგანუმის მოპოვების ადგილები მიტოვებულია და საფრთხეს უქმნის როგორც მოსახლეობას, ისე პირუტყვსაც.
