რუსული ფული რუსთავის მეტალურგიაში | უმსხვილესი ქართული ქარხანა ოკუპანტი ქვეყნის ხელში გადადის
გამოქვეყნდა:
უმსხვილესი ქართული საწარმო რუსების ხელში გადადის. რუსთავის მეტალურგიული ქარხნის მართვა მთლიანად რუსულ მენეჯმენტს გადაეცა. უმაღლეს პოსტებზე დაინიშნენ კრემლთან დაახლოებული რუსი ოლიგარქის, დასავლეთის მიერ დასანქცირებული დიმიტრი პუმპიანსკის ნდობით აღჭურვილი პირები.
პოლიტიკური ოპოზიცია მიიჩნევს, რომ ბიძინა ივანიშვილთან შეთანხმების გარეშე ასეთი გარიგება ვერ შედგებოდა. ხელისუფლების ოპონენტები ასევე ფიქრობენ, რომ სანქცირებული რუსი მილიარდერი რუსთავის ქარხანას სწორედ სანქციების გვერდის ასავლელად გამოიყენებს და, არ არის გამორიცხული, კრემლი და რუსული არმია მძიმე მეტალურგიული პროდუქციითაც მოამარაგოს.
