ლაგოდეხში ძლიერმა ქარმა რამდენიმე სახლს სახურავი გადახადა | მოგლეჯილია ხეები და ელექტროგადამცემი ბოძები
გამოქვეყნდა:
ძლიერმა ქარმა ლაგოდეხის მუნიციპალიტეტის სოფელ მაწიმის მოსახლეობის ნაწილი დააზარალა.
მოგლეჯილია მრავალწლოვანი ხეები და ელექტროგადამცემი ბოძები.
სოფელში სულ მცირე 5 საცხოვრებელ სახლს სახურავი აქვს გადახდილი. დაზიანებულია სასოფლო-სამეურნეო სავარგულები. სოფელში სამაშველო სამსახურის თანამშრომლები გზის გაწმენდით სამუშაოს ასრულებენ.
ადგილობრივი ხელისუფლების თქმით, ზარალის დათვლა დილიდან დაიწყება.
ავტორი: ია გულიაშვილი
