დაღუპული ელენტრომონტიორები - გამოძიებაში შრომის უსაფრთხოების სამსახური ჩაერთო
გამოქვეყნდა:
ქუთაისში, უბედურ შემთხვევასთან დაკავშირებით, რა დროსაც ორი ადამიანი დაიღუპა, საქართველოს რკინიგზა განცხადებას ავრცელებს.
რკინიგზის ინფორმაციით, უკვე დაიწყო მოკვლევა, რომელშიც შრომის უსაფრთხოების სამსახურიც არის ჩართული:
ქუთაისში, თაბუკაშილის ქუჩაზე მეცხრე ჩიხში მაღალი ძაბვის გადამცემი ხაზის საყრდენი კონსტრუქციის დემონტაჟის დროს მოხდა უბედური შემთხვევა. გარდაიცვალა საქართველოს რკინიგზის ორი თანამშრომელი, (ელენტრომონტიორები) დამწვრობა კი მიიღო ერთმა თანამშრომელმა. (ასევე ელექტრომონტიორი) „საქართველოს რკინიგზა“ მწუხარებას გამოთქვამს თანამშრომლების გარდაცვალებისა და დაზიანების გამო. უბედურ შემთხვევასთან დაკავშირებით მიმდინარეობს მოკვლევა. კომპანია თანამშრომლობს გამოძიებასთან, რის შედეგადაც დადგინდება შემთხვევის გამომწვევი მიზეზები. მოკვლევაში ჩართულია შრომის უსაფრთხოების სამსახური.
შეგახსენებთ, რომ შემთხვევა ქუთაისში რამდენიმე საათის წინ მოხდა. მომხდარზე შსს-მ გამოძიება 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
