ბობოყვათში ორი მიკროავტობუსის შეჯახების შედეგად ცხრა ადამიანი დაშავდა. დაშავებულები სასწრაფო დახმარების ჯგუფებმა კლინიკაში გადაიყვანეს. ინფორმაციას გამოცემა "აჭარა თაიმსი" ავრცელებს.
გამოცემის ცნობით, შინაგან საქმეთა სამინისტრომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
