ერთი წელია, ბალდის კანიონის შესასვლელში კარვებია გაშლილი. ადგილობრივების ნაწილი ითხოვს, ბათილად გამოცხადდეს აუქციონი, რომლითაც ბუნების ძეგლი გრძელვადიანი იჯარით ინვესტორს გადაეცა. ამ ისტორიაში ყველაზე საინტერესო კი სწორედ ინვესტორია, რომელიც საბოლოოდ იგივე მაღალჩინოსანი აღმოჩნდა, რომელმაც ეს აუქციონი გამოაცხადა. თუმცა, აღმოჩნდა, რომ დაცული ტერიტორიების სააგენტოს ყოფილი უფროსის და მისი ოჯახის საკუთრებაში არა მხოლოდ ბალდის კანიონი გადავიდა 40 წლის ვადით, არამედ სხვა ტურისტული ობიექტები საქართველოს სხვადასხვა რეგიონებში.
