გაჭირვება, უმუშევრობა და მოსახლეობა საზღვარგარეთიდან გადმორიცხული გზავნილების იმედზე | ემიგრანტების რაოდენობა სულ უფრო იზრდება
გამოქვეყნდა:
მიგრანტების რაოდენობა სულ უფრო იზრდება. სულ უფრო მეტი ჩვენი თანამოქალაქე უკეთესი ცხოვრების საძიებლად საზღვარგარეთ მიემგზავრება. ქართველების უმეტესობა საცხოვრებლად შეერთებულ შტატებს ან ევროპის ქვეყნებს ირჩევს და ოფიციალური მონაცემებით სწორედ ამ ქვეყნებიდან ირიცხება საქართველოში ყველაზე დიდი თანხა. ერთი თვის განმავლობაში განხორციელებული გადმორიცხვებით გასულ თვეს რეკორდიც კი დამყარდა - შეერთებული შტატებიდან და იტალიიდან ჯამში 99 მილიონი დოლარი გადმოირიცხა. ეკონომისტები ამტკიცებენ, რომ სწორედ ემიგრანტების გადმორიცხვის ხარჯზე ფიქსირდება ქვეყანაში სტატსტიკური ეკონომიკური ზრდა, რეალურად კი "ქართული ოცნება" არაფერს აკეთებს.
