მორიგი რეისი რუსეთისკენ - Georgian Airways-ის თბილისსა და ნოვოსიბირსკს შორის პირდაპირ ფრენებს იწყებს. „ტოლმაჩოვის აეროპორტის“ ვებგვერდზე განთავსებული ინფორმაციით, Georgian Airways ფრენებს 28 სექტემბრიდან დაიწყებს და რეისები კვირაში ორჯერ - სამშაბათს და შაბათს შესრულდება. ბილეთების ფასი ჯერ არ სახელდება.
ცნობისთვის, ამჟამად საქართველო-რუსეთს შორის პირდაპირი რეისები სრულდება მოსკოვიდან, ჩელიაბინსკიდან, სამარადან, სოჭიდან, ეკატერინბურგიდან და რუსეთის სხვა ქალაქებიდან.
