სტიქიური პროცესები საქართველოში | ვითარება რეგიონებში და უამინდობით დაზარალებული მოსახლეობა
გამოქვეყნდა:
უამინდობა საქართველოში. სამეგრელოში, რაჭასა და კახეთში დილიდან ითვლიან ზარალს რომელიც მუნიციპალიტეტებს სტიქიის შედეგად მიადგა. ძლიერი წვიმისა და ქარის გამო ზუგდიდსა და ახმეტაში საცხოვრებელი სახლების სახურავები დაზიანდა, განადგურდა სასოფლო სამეურნეო სავარგულების ნაწილი. დაზიანებულია ელექტრო გადამცემი ხაზები, რის გამოც რამდენიმეს სოფელს ელექტროენერგია შეუწყდა. ონის მუნიციპალიტეტში კი გვიან ღამით მოსული ძლიერი ნალექის გამო მდინარე ჭანჭახი ადიდდა და ქუთაისი-ალპანა-მამისონის დამაკავშირებელ საავტომობილო გზაზე არსებული ხიდი დააზიანა, რის შედეგადაც სოფელ გლოლასთან გადაადგილება შეიზღუდა.
