ჩვენთან ერთად მოიპოვეთ თავისუფლება!
"აირჩიე ევროპას" აქტივისტებს მანქანა დაუზიანეს. შემთხვევა სამეგრელოში მოხდა. სტუდენტური მოძრაობა "თავისუფლებისთვის" დამფუძნებელი ნიკო მანაგაძე მომხდარს ხელისუფლებას უკავშირებს და ამბობს, რომ "ქართული ოცნება" ამ გზით აქტივისტებისა და ოპონენტების დაშინებას განაგრძობს.
"შემთხვევითი არ არის, რომ წინასაარჩევნო კამპანიის ფარგლებში "ქართულმა ოცნებამ" ეს უღირსი ქმედებები სწორედ სტუდენტური ორგანიზაციების მიმართ განხორციელებული ამგვარი აქტით დაიწყო.
საზოგადოებამ იცის იმის შესახებ, რომ ჩვენ ბოლო დღეების და კვირების განმავლობაში დავდივართ რეგიონებში, ვესაუბრებით ადამიანებს და როგორც ჩანს ამ გულწრფელმა, ახალგაზრდულმა მოტივაციამ განსაკუთრებული ბრაზი და გაღიზიანება გამოიწვია მმართველი გუნდის წარმომადგენლებში.
ვერანაირი ასეთი ქმედება ვერ შეაჩერებს ჩვენს ბრძოლას, პირიქით კიდევ უფრო გვმატებს მოტივაციას და კიდევ უფრო ვაცნობიერებთ სინამდვილეში რის წინააღმდეგ გვიწევს ბრძოლა," - ამბობს მანაგაძე.
