მედიისთვის საჯარო ინფორმაციის გაცემა სამთავრობო უწყებების მხრიდან, გაუარესებულია | კვლევა
გამოქვეყნდა:
სამთავრობო უწყებებისა და ადმინისტრაციული ორგანოების მიერ, საჯარო ინფორმაციის გაცემა მედიისთვის გაუარესებულია. უწყებების უმრავლესობა არ რეაგირებენ, ან არღვევენ კანონით დადგენილ ვადებს და არ პასუხობენ მედიის მოთხოვნას - კვლევა ამის შესახებ "მედიის ინფორმაციისა და სოციალური კვლევების ცენტრმა" ჩაატარა.
დგინდება, რომ:
- სამართლებრივი ვალდებულების მიუხედავად ცენტრალური და ადგილობრივი ადმინისტრაციული ორგანოები საჯარო ინფორმაციის წერილების 41% არ პასუხობენ საერთოდ, ან კანონით დადგენილ ვადების დარღვევით პასუხობენ - 18%.
- მთლიანობაში, ცენტრალურ და ადგილობრივ უწყებები შესულ საჯარო ინფორმაციის მოთხოვნათა მხოლოდ 26%-ს გაეცემა სრულყოფილი პასუხი.
- ცენტრალური უწყებები ნახევარზე მეტ შემთხვევაში (53%) არ პასუხობენ საჯარო ინფორმაციის მოთხოვნებს. ამასთანავე, წერილების 11%-ზე პასუხს ვადის გადაცილებით სცემენ.
- ცენტრალური უწყებები იშვიათად გასცემენ სრულყოფილ პასუხებს, - 19%.
- ადგილობრივი უწყებები უპასუხოდ ტოვებენ მოთხოვნათა 38%-ს, ხოლო ვადაგადაცილებით სცემენ პასუხს 20%-ს.
- ადგილობრივი უწყებების მიერ მიღებული წერილებიდან სრულყოფილად გაეცა პასუხი მხოლოდ 28%-ს.
- საჯარო უწყებებში გაგზავნილი საჯარო ინფორმაციის მოთხოვნის წერილების თემატიკა ძირითადად სოციალური დასაქმების პროგრამას უკავშირდებოდა (22%), საიდანაც 55% უპასუხოდ დარჩა, მიღებული პასუხების თითქმის ნახევარი - 49% ვადის დარღვევით დაბრუნდა.
- სრულყოფილი პასუხი დაბრუნდა მხოლოდ 12%-ზე, ნაწილობრივი 10%-ზე.
- მეორე თემა, რომელიც დომინირებდა - მუნიციპალური ბიუჯეტის ხარჯვას ეხებოდა, საერთო მონაცემების 20%-ია, უპასუხოდ დარჩა მოთხოვნათა ერთი მეოთხედი- 25%.
- მიღებული პასუხებიდან 31% ვადის დარღვევით დაბრუნდა.
- სრულყოფილი პასუხი მოვიდა 24%-ზე.
მედიის ინფორმაციისა და სოციალური კვლევების ცენტრმა” პროექტის „მედიის თავისუფლების და მოქალაქეთა მონაწილეობის მხარდაჭერა საჯარო ინფორმაციაზე ხელმისაწვდომობის გზით“ ფარგლებში 2023 წლის 1 სექტემბრიდან 2024 წლის აგვისტოს ჩათვლით სამთავრობო უწყებების და ადმინისტრაციული ორგანოების მიერ საჯარო ინფორმაციის გაცემის მონიტორინგი ჩაატარა.
