კესარია აბრამიძის უკანასკნელი გზა | მეგობრებისა და ახლობლების ემოციური მოგონებები ქართველ მოდელზე
გამოქვეყნდა:
18 სექტემბერს თბილისში, საკუთარ საცხოვრებელ სახლში მოკლული 37 წლის ტრანსგენდერი ქალი, კესარია აბრამიძე, ვაკის სასაფლაოზე დაკრძალეს. უკანასკნელ გზაზე ის ოჯახის წევრებმა, მეგობრებმა და სრულიად უცხო ადამიანებმა გააცილეს.
კესარია აბრამიძის მკვლელობის საქმეზე ბრალდებული, მისი პარტნიორი 26 წლის ბექა ჯაიანი 19 სექტემბერს დააკავეს - გამოძიება მას გენდერის ნიშნით განსაკუთრებული სისასტიკით დამამძიმებელ გარემოებაში ჩადენილ განზრახ მკვლელობას ედავება. სასამართლომ მას 20 სექტემბერს წინასწარი პატიმრობა შეუფარდა. ბრალის დამტკიცების შემთხვევაში მას 16-დან 20 წლამდე ან უვადო პატიმრობა ემუქრება.
