"პრორუსული მთავრობა ლევილის ჩაკეტილი კარის მიღმა ცდილობს მოტყუებით მოიზიდოს ხმები" | ლევილში ღონისძიებაზე ქართველთა სათვისტომო არ მიიწვიეს
გამოქვეყნდა:
საქართველოს პრეზიდენტის ძმა ლევილის მამულში დაგეგმილ ღონისძიებაზე არ მიიწვიეს.
ლევილში 1924 წლის აჯანყებას და დემოკრატიული რესპუბლიკის დამფუძნებელი კრების 11 დახვრეტილ წევრს იხსენებენ, თუმცა ღონისძიებაზე არ იქნება ქართველთა სათვისტომო, რომელსაც ოთარ ზურაბიშვილი ხელმძღვანელობს.
ოფიციალური მიზეზი უცნობია, თუმცა ზურაბიშვილი ამ ყველაფერს მის განსხვავებულ პოლიტიკურ შეხედულებებს უკავშირებს:
"პრორუსული მთავრობა ლევილის ჩაკეტილი კარების მიღმა ცდილობს არჩევნებისთვის მოტყუებით მოიზიდოს ხმები. შეიფარდოს აჯანყების უნიკალური სიმბოლო და სცადოს დაარწმუნოს ამომრჩეველი , რომ ვითომ სწორ გზაზე დგას. ძალაუფლება, რომელიც ხვალ გაივლის სასაფლაოზე, არის ის, რომელიც დანაშაულებს ქართველებს და საქართველოს 2008 წლის ომის დაწყებაში. ეს იქნება მისვენებული პოლიტიკური ემიგრანტების შეურაცხყოფა. არა ლევილის პრივატიზაციას... არა სურულ მთავრობას" ამბობს ოთარ ზურაბიშვილი.
მე მგონი, რომ ისჯება ყველა ის, ვინც არ არის თანახმა იმ ადამიანებთან, რომლებიც საქართველოს რუსეთს აბარებენ - ასე აფასებს ღონისძიებაზე ქართველთა სათვისტომოს არმიწვევას პრეზიდენტი სალომე ზურაბიშვილი.
