ბათუმში ე.წ ოცნების ქალაქში მცხოვრებლები ხელისუფლებას მიკერძოებაში ადანაშაულებენ
გამოქვეყნდა:
ბათუმში ე.წ ოცნების ქალაქში მცხოვრებლები ხელისუფლებას მიკერძოებასა და ადგილობრივების არათანაბარ პირობებში ჩაყენებაში სდებენ ბრალს. ის ოჯახები, რომლებიც ბინების გარეშე დარჩნენ აცხადებენ, რომ "ქართულმა ოცნებამ" ისინი პოლიტიკური შეხედულებები გამო დასაჯა. წლებია გაუსაძლის პირობებში ცხოვრობენ, ყველა კრიტერიუმს აკმაყოფილებენ, თუმცა ახალაშენებულ კორპუსში მათთვის ბინები არ მოიძებნა.
"ოცნების ქალაქში" მცხოვრები 30- ოჯახი ავარიულ კორპუსში ცხოვრობს. ყოველდღიურად ისინი საფრთხის ქვეშ იძინებენ. ჭერიდან ცვივა ბათქაში, წვიმის დროს საცხოვრებელი ფართები წყლით ივსება, რის გამოც ელექტროენერგიაც კი ვერ შეჰყავთ, რადგან საშიშროებას წარმოადგენს.
შეგახსენებთ, რომ "ოცნების ქალაქში" ათასზე მეტი ოჯახი ცხოვრობს, კორპუსების აშენების შემდეგ მხოლოდ 600- მდე მათგანი დაკმაყოფილდა, დანარჩენები კი ბინების მოლოდინში გაუსაძლის მდგომარეობაში ცხოვრობენ.
