სტიქია ლანჩხუთის ერთ-ერთ სოფელში | ადგილობრივების ცნობით, გარესამყაროსაა მოწყვეტილი 50-მდე ოჯახი
გამოქვეყნდა:
სტიქია ლანჩხუთის მუნიციპალიტეტში - სოფელ ჩოჩხათში მოსულმა უხვმა ნალექმა ადგილობრივ მოსახლეობას პრობლემები შეუქმნა. როგორც ადგილობრივები გვიყვებიან, 50-მდე ოჯახი გარესამყაროსაა მოწყვეტილი, დაზიანებულია სამანქანო გზა და საცხოვრებელი სახლების ნაწილიც.
"სასწრაფო სამედიცინო დახმარების მანქანაც კი ვერ შევა ადგილზე. ვითხოვთ დახმარებას, ხელისუფლების არც ერთი წარმომადგენელი ადგილზე არ მოსულა", - ამბობს ერთ-ერთი ადგილობრივი "მთავარი არხის" ვებგვერდთან საუბრისას.
სარედაქციო ჩასწორება: მოგვიანებით, ცნობილი გახდა, რომ სოფელ ჩოჩხათიდან, სახლების საფრთხისშემცველი მდგომარეობის გამო, რამდენიმე ოჯახი სამაშველო სამსახურმა უსაფრთხო ადგილას გადაიყვანა. როგორც ლანჩხუთის მერიაში ამბობენ, ზარალის დათვლა და სალიკვიდაციო სამუშაოები ამინდის დასტაბილურების შემდეგ დაიწყება.
