სტუდენტებმა ხვალ, 17 ნოემბერს მარში დააანონსეს. ახალგაზრდები ევროპული მომავლის დასაცავად ერთიანდებიან და მარშით შეუერთდებიან პარლამენტთან დაგეგმილ აქციას - “დაიბრუნე ხმა”
"17 ნოემბერს ქართველი სტუდენტები ვერთიანდებით ევროპული მომავლის დასაცავად!ჩვენ, სტუდენტები, ვთვლით, რომ 26 ოქტომბრის საპარლამენტო არჩევნები „ქართული ოცნების“ რუსულმა რეჟიმმა თვითნებურად მიითვისა, ცენტრალური საარჩევნო კომისიის მიერ გამოქვეყნებული შემაჯამებელი ოქმი კი არ გამოხატავს ქართველი ხალხის რეალურ ნებასა და გადაწყვეტილებას.
ჩვენი ვალია დავიცვათ ჩვენი ხმები, რომლებიც მოგვპარეს და დავიცვათ ევროპული მომავალი, რომელიც წაგვართვეს.
ახლა მხოლოდ მოქმედების, მოძრაობის დროა!
ამიტომ, 17 ნოემბერს ქართული უნივერსიტეტების სტუდენტები მარშით ვუერთდებით აქციას სახელწოდებით “დაიბრუნე ხმა”მარშის დღის წესრიგი შემდეგია:
17:00 - ილიას უნივერსიტეტის სტუდენტები ვიკრიბებით ილია სახელმწიფო უნივერსიტეტთან
17:00 - თბილისის სახელმწიფო უნივერსიტეტის სტუდენტები ვიკრიბებით თბილისის სახელმწიფო უნივერსიტეტთან
18:00 - თბილისის სახელმწიფო სამედიცინო უნივერსიტეტის, თავისუფალი უნივერსიტეტის, აგრარული უნივერსიტეტის, შავი ზღვის საერთაშორისო უნივერსიტეტის, კავკასიის უნივერსიტეტის, საქართველოს უნივერსიტეტის, ტექნიკური უნივერსიტეტის სტუდენტები ვიკრიბებით რუსთაველზე, შოთა რუსთაველის ძეგლთან
19:00 - მარშს ვუერთდებით GIPA-ს უნივერსიტეტის სტუდენტები ოპერისა და ბალეტის თეატრიდან
19:15- სტუდენტები წარვადგენთ ერთობლივ მანიფესტს
19:30- სტუდენტები ერთობლივად ვუერთდებით პარლამენტის წინ ორგანიზებულ აქციას.
შემოგვიერთდით! "
