საახალწლო ილუმინაციების მონტაჟის გამო, მერია ამაღამ მელიქიშვილის გამზირს კეტავს
გამოქვეყნდა:
თბილისის მერიის ინფორმაციით, საახალწლო განათებების მონტაჟის გამო, მელიქიშვილის გამზირზე 21 ნოემბერს, 00:00-დან 06:00 საათამდე საავტომობილო მოძრაობა შეიზღუდება.
"საახალწლო ილუმინაციების მონტაჟის გამო მელიქიშვილის გამზირზე ღამის საათებში მოძრაობა შეიზღუდება
საახალწლო ილუმინაციების სამონტაჟო სამუშაოების გამო მელიქიშვილის გამზირზე 21 ნოემბერს, 00:00-დან 06:00 საათამდე ავტომობილების გადაადგილება დროებით შეიზღუდება.
შეზღუდვის პერიოდში ჭავჭავაძის გამზირიდან და ვარაზისხევიდან კოსტავას ქუჩისა და რუსთაველის გამზირის მიმართულებით სატრანსპორტო საშუალებები გადაადგილებას შეძლებენ კეკელიძის, ჯანაშიას, ქუთათელაძის, ბარნოვისა და ძმები კაკაბაძეების ქუჩების გამოყენებით. გარდა ამისა, კეკელიძის ქუჩიდან ჩამომსვლელი ნაკადი გადაადგილებას ვერ შეძლებს მელიქიშვილის გამზირის მიმართულებით," - წერია განცხადებაში.
