ოზურგეთი-ურეკის ავტომაგისტრალზე ავტოსაგზაო შემთხვევის შედეგად 1 ადამიანი დაიღუპა. დაღუპული სატვირთო ავტომობილის მძღოლია.
მომხდარი "მთავარ არხს" შინაგან საქმეთა სამინისტრომაც დაუდასტურა. მათი თქმით, შემთხვევის შედეგად დამატებით არავინ დაშავებულა.
საქმეზე გამოძიება სსკ-ის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას ითვალისწინებს, რამაც ადამიანის სიცოცხლის მოსპობა გამოიწვია.
ცნობისთვის, 2020 წელს ავტოსაგზაო შემთხვევათა საერთო რაოდენობა 2270-ია, დაღუპულთა რიცხვი კი - 203.