საახალწლოდ ახალი ნაძვის ხეების შეძენას ოზურგეთი, ქარელი და ბაკურიანიც გეგმავენ
გამოქვეყნდა:
საქართველოს მუნიციპალიტეტები საახალწლო ღონისძიებებისთვის მზადებას იწყებენ. ნაძვის ხეების შესაძენად ტენდერები მათმა ნაწილმა უკვე გამოაცხადა.
ბაკურიანის განვითარების სააგენტო საახალწლო განათებების და 14 მეტრიანი ნაძვის ხის შესყიდვას თანმდევი მომსახურებით, 172 245 ლარად გეგმავს. წინადადებების მღება 26-29 ნოემბრის პერიოდში მოხდება. ამავე პერიოდში მიიღებს სატენდერო წინადადებებს ქარელის მუნიციპალიტეტიც, რომელიც 14 მეტრიან ნაძვის ხესა და საახალწლო აქსესუარებს 149 973 ლარად შეისყიდის.
ოზურგეთის მუნიციპალიტეტი 14 მეტრიანი ნაძვის ხის და მოწოდება-მონტაჟის მომსახურების შესყიდვას 177 000 ლარად გეგმავს. წინადადებების მიღება 29 ნოემბერს დაიწყება და 2 დეკემბერს დასრულდება.
