"იესო დაწვეს? რას ატყუებთ ხალხს?...ხალხის გვერდით უნდა იდგეთ" | ინციდენტი ჭავჭავაძეზე, სასულიერო პირებთან

ჭავჭავაძის გამზირზე შეკრებილი აქციის მონაწილეები იქ მისულ სასულიერო პირებს, ხალხის გვერდით დგომისკენ მოუწოდებენ. ადგილზე იმყოფება მამა შალვა კეკელიაც, რომელსაც მოქალაქეებმა "ოცნების" პროპაგანდისგან გამიჯვნა სთხოვეს: "იესო დაწვეს? რას ატყუებთ ხალხს? თქვენ ხართ მატყუარები, თქვენ ხალხის გვერდით უნდა იდგეთ" - მიმართა მოქალაქემ სასულიერო პირს.

"ადგილზე სიტყვიერი დაპირისპირებაა. მამა შალვა კეკელია ამბობს, რომ გმობს ძალადობას -"ვაპროტესტებთ, საშინელებაა, ადამიანის ცემაზე ცუდი არაფერი არაა, ვინც ადამიანზე ხელს აღმართავს, არის ღვთის გმობა, ვთქვი ქადაგებაში და დავგმე კიდევაც... ყოველ ღამე ვლოცულობ და ერთი წუთი არ მძინებია ჩემი ერისთვის. მერე რომ დასჭირდებათ მღვდელი, ისევ ჩვენ გვეძახიან, რო გარდაეცვლებათ შვილი ვინ უნდა მივიდეს ამ ხალხთან?  გაგვანადგურეთ მაშინ, ეგ იყო კომუნისტების დროს, გვანადგურებდით მღვდლებს, რატო გვიყვირივართ ეკლესიას... " ამბობს სასულიერო პირი.

შელაპარაკება ვაკის სამების ტაძართან მოხდა, სადაც მამა შალვა კეკელია მსახურობს. აქციის მონაწილეების თქმით, მათ დაინახეს, რომ სასულიერო პირები საპროტესტო მსვლელობას შორიდან უყურებდნენ და მათგან პოზიციის დაფიქსირება მოითხოვეს. ამის შემდეგ, სასულიერო პირები ქუჩაში გამოვიდნენ.  

ჭავჭავაძეზე ამ წუთებში HR -ების, PR სპეციალისტებისა და შემოქმედებითი სფეროს წარმომადგენლების მსვლელობა მიმდინარეობს.