"ეს იმას არ ნიშნავს, რომ თუ ახლა დიპლომატიური პასპორტი აქვს, ხვალ ჩვეულებრივს აიღებს და მაინც იმოგზაურებს" | ნიკა გვარამია უვიზო რეჟიმის შეჩერებაზე
გამოქვეყნდა:
"კოალიცია ცვლილებისთვის" ლიდერი ნიკა გვარამია დიპლომატიური პასპორტებისთვის უვიზო რეჟიმის შეჩერების გადაწყვეტილებას აფასებს და ამბობს, რომ ეს არის იდენტიფიკაციის მეთოდი. შესაბამისად, მისი თქმით, ეს იმას არ ნიშნავს, რომ დიპ.პასპორტის მქონე პირები სხვა პასპორტებს აიღებენ და უპრობლემოდ შეძლებენ მოგზაურობას:
"დიპლომატიური პასპორტის მიხედვით, ხდება იმათი იდენტიფიცირება, ვინც ვერ გადალახავს კონკრეტული ქვეყნების საზღვრებს, ეს იმას არ ნიშნავს, რომ ახლა დიპლომატიური პასპორტი აქვს, ხვალ ჩვეულებრივს აიღებს და მაინც იმოგზაურებს. ეს არის იდენტიფიკაციის მეთოდი, შესაბამისად, ძალიან მაინტერესებს ქართველი დიპლომატებიც, მათ შორის, რას აპირებენ და მინისტრებიც. არსად ამ ხალხს არავინ არ იხსენიებს საქართველოს წარმომადგენლებად, ან საქართველოს მინისტრებად. ერთხელ სადღაც შეიპარა მალტაზე "საგარეო საქმეთა მინისტრი" საქართველოსი და ყველა იმ ქვეყანას ვინც იქ იმყოფებოდა, უბრალოდ თავზე დაამხო მთელმა ევროპამ, როგორ იჯექით მაგის გვერდითო. ამიტომ, ეს ვერ გაგრძელდება დიდხანს. ყველაფერი შეიცვლება ძალიან მალე. იქნება ახალი არჩევნები და ყველას ვახსენებ, რომ პრეზიდენტი და ლეგიტიმური წარმომადგენელი ამ ქვეყნის, არის მარტო სალომე ზურაბიშვილი." განაცხადა ნიკა გვარამიამ რუსთაველის გამზირზე გამართულ საპროტესტო აქციაზე, სადაც ის მარნეულის იზოლატორში გატარებული 12 დღიანი ადმინისტრაციული პატიმრობის შემდეგ მივიდა.
შეგახსენებთ, EU "ქართული ოცნების" დიპლომატიური პასპორტის მქონე ოფიციალური პირებისთის უვიზო რეჟიმის შეჩერებაზე შეთანხმდა
