"ალილოს" მსვლელობა წელს განსხვავებული იქნება. მსვლელობა ტრადიციულად რესპუბლიკის მოედნიდან დაიწყება, გაივლის რუსთაველის გამზირს, თუმცა არ შეჩერდება არც საკანონმდებლო ორგანოსთან, არც საკრებულოს შენობასთან და არც პრეზიდენტის ადმინისტრაციასთან.
საშობაო მსვლელობა 2 საათზე პირველი რესპუბლიკის მოედნიდან დაიწყება და სამების საკათედრო ტაძარში დასრულდება, სადაც შობის პარაკლისი შესრულდება. შეგროვებული სურსათი და სანოვაგე მოხუცთა თავშესაფრებსა და ბავშვთა სახლებს გადაეცემა.
„ალილოს“ მსვლელობის ტრადიცია 2000 წლიდან პატრიარქის ინიციატივით აღდგა.
