მოტყუებული და გაფიცული მუშები ქუთაისში | კოსტავას ქუჩის სარეაბილიტაციო სამუშაოებზე დასაქმებულებს ხელფასს არ აძლევენ
გამოქვეყნდა:
მოტყუებული მუშები ქუთაისში - კოსტავას ქუჩის სარეაბილიტაციო სამუშაოებზე დასაქმებული მუშები კუთვნილ ხელფასს ითხოვენ. დაზარალებულების თქმით, 2 თვეა შრომის ანაზღაურება არ აუღიათ. სამუშაოები ქუთაისის მერიის დაკვეთით მიმდინარეობს.
ამჟამად გაფიცული მუშები მძიმე სამუშაო პირობებზეც საუბრობენ, თუმცა ამბობენ, რომ აქამდე იძულებული იყვნენ ხელფასის სანაცვლოდ, ეს პირობები მოეთმინათ.
20-მდე დასაქმებული მუშაობის გაგრძელებას კუთვნილი ხელფასის მიღებამდე არ აპირებს და იმედი აქვთ, რომ მათი პრობლემა "მთავარი არხის" მიერ გაშუქების შემდეგ მოგვარდება.
