ბათუმში, სპეციალურ საგამოძიებო სამსახურთან მესამე დღეა აქციას მართავენ ადგილობრივი მასმედიის წარმომადგენლები გამომცემლობა "ბათუმელებთან” ერთად. ისინი ბათუმის პოლიციის უფროსის ირაკლი დგებუაძის უფლებამოსილების შეწყვეტას ითხოვენ.
"ბათუმელების" ინფორმაციით, სპეციალურმა საგამოძიებო სამსახურმა დგებუაძის მიმართ გამოძიება დაიწყო, ოღონდ ნაკლებად მძიმე მუხლით - სამსახურებრივი უფლებამოსილების გადამეტებით.
ჟურნალისტები კი ითხოვენ საქმის წარმოებას არაადამიანურ მოპყრობაზე.
