ვცდილობდი მქონოდა კომუნიკაცია გენ.პროკურორთან; ცინიკურია, რომ გადამამისამართეს ბათუმში, ერთ-ერთ პროკურორთან | ეთერ თურაძე
გამოქვეყნდა:
გამოცემა" ბათუმელების" რედაქტორი ეთერ თურაძე, რომელიც მზია ამაღლობელის საქმესთან დაკავშირებით, გენერალურ პროკურორ გიორგი გაბიტაშვილთან შეხვედრას ითხოვდა, ბათუმში, ერთ-ერთ პროკურორთან გადაამისამართეს - განცხადება ეთერ თურაძემ "მთავარი არხის" გადაცემა "შენი შუადღის" ეთერში გააკეთა.
თურაძის თქმით, მას სურდა დეტალური ინფორმაცია მიეწოდებინა გაბიტაშვილისთვის მზია ამაღლობელის ჯანმრთელობის მდგომარეობაზე, რომელიც უკვე 16 დღეა საპატიმროში შიმშილობს:
"ვცდილობდი მქონოდა კომუნიკაცია გენერალურ პროკურორთან გიორგი გაბიტაშვილთან. ძალიან ცინიკურია, რომ გადამამისამართეს ბათუმში, არ მახსოვს იმ პროკურორის ვინაობა და დამიკავშირდნენ ბათუმიდან, რომ ერთ-ერთი პროკურორი შემხვდებოდა , როგორ წარმოგიდენიათ ახლა მზია ამაღლობელის საქმეზე გადაწყვეტილება მიიღოს პროკურორმა ბათუმში? მე ეს არ წარმომიდგენია, ამიტომ ვფიქრობ, რომ ეს უსაგნო შეხვედრა იქნებოდა" ამბობს ეთერ თურაძე.
