უპრეცედენტო გადაწყვეტილება ევროსაბჭოში | PACE ქართული დელეგაციისთვის უფლებამოსილების არმინიჭების საკითხზე 29 იანვარს იმსჯელებს

გამოქვეყნდა:

უპრეცედენტო გადაწყვეტილება ევროსაბჭოში. საქართველოს ისტორიაში პირველად ევროსაბჭოს საპარლამენტო ასამბლეამ ოლიგარქის დელეგაციის უფლებამოსილება კითხვის ნიშნის ქვეშ დააყენა.

დღეს ზამთრის სესიის პირველი სხდომა სტრასბურგში საქართველოს საკითხით დაიწყო, სადაც დღის წესრიგში ევროპის სახალხო პარტიის წარმომადგენელმა "ქართული ოცნებისთვის" მანდატების შეჩერება შეიტანა. შვედმა დეპუტატმა დარბაზში, რომელშიც ივანიშვილის წარგზავნილი არალეგიტიმური პარლამენტის წევრებიც იმყოფებოდნენ, მკაფიოდ თქვა, რომ "ოცნება" საკუთარ ქვეყანაში დემოკრატიას ანადგურებს და ამის ნათელი მაგალითი ერთპარტიული პარლამენტის ფორმირებაა. ოლიგარქის გუნდს არცნობის საკითხზე დისკუსია ოფიციალურად მას შემდეგ დაიწყო, რაც EPP-ს წევრის ინიციატივას სხდომაზე სხვა პოლიტიკური ჯგუფების მხარდაჭერა მოჰყვა.

ახლა "ოცნების" დელეგაციის უფლებამოსილებაზე მონიტორინგის კომიტეტმა უნდა იმსჯელოს და სავარაუდოდ, ოთხშაბათს საკითხს კენჭისყრაზე გაიტანენ. ასეთი რამე ევროსაბჭოს საქართველოსთან მიმართებით არასდროს მოუმოქმედია. მსგავსი პრეცედენტი მხოლოდ რუსეთისა და აზერბაიჯანის დელეგაციების შემთხვევაში ფიქსირდება, როცა ამ ქვეყნების წარმომადგენლებს ოფიციალური სტატუსი ევროსაბჭოში, მათ სახელმწიფოებში, არადემოკრატიული ნაბიჯების გადადგმისთვის შეუჩერეს.

უფრო მეტი ნახეთ ნატალია ჯახუტაშვილის რეპორტაჟში. 

მთავარი 21:00
უყურეთ ბოლო გამოშვებას

იხილეთ ჩვენს ეთერში

დღის მთავარი