საქართველოში "მაგთის" ინტერნეტი გათიშულია. საუბარია როგორც მობილურ, ასევე ოპტიკურ ინტერნეტზე.
როგორც კომპანიის საზოგადოებასთან ურთიერთობის სამსახურში "მთავარი არხის" ვებ-გვერდს განუცხადეს, ინტერნეტის შეფერხება გლობალურ დაზიანებას უკავშირდება.
როდის აღდგება ინტერნეტკავშირი ჯერჯერობით უცნობია, თუმცა, კომპანიაში ამბობენ, რომ პრობლემის აღმოსაფხვრელად შესაბამისი ჯგუფები უკვე მუშაობენ.
მანამდე, "მაგთის" მომხმარებლები წერდნენ, რომ ინტერნეტით ვერ სარგებლობენ.
