იაპონური მედია: უტა ივანიშვილი იაპონიაში საქართველოს ელჩს შეხვდა, რომელმაც მას დიდი შავი ჩანთა გადასცა და უთხრა -"აქ არ გახსნა, იმედი მაქვს გამოგადგება"
გამოქვეყნდა:
იაპონური ინტერნეტგამოცემა Shūkan Bunshun ინფორმაციას და ფოტომასალას ავრცელებს უტა ივანიშვილსა და იაპონიაში საქართველოს ელჩის შეხვედრის შესახებ. თეიმურაზ ლეჟავასთან შეხვედრის ამსახველ ფოტოზე პრორუსი ოლიგარქის შვილის სახე დაფარულია, შეხვედრა კი გამოცემის ინფორმაციით რესტორანში შედგა.
Shūkan Bunshun-ის მტკიცებით, შეხვედრა დაახლოებით ერთი საათს გაგრძელდა, რომლის ბოლოსაც ლეჟავამ ივანიშვილს დიდი შავი ჩანთა გადასცა და უთხრა, რომ - "აქ არ გაეხსნა, იმედი მაქვს გამოგადგება".
იაპონური ინტერნეტ გამოცემა წერს იმასაც, რომ ივანიშვილმა ტოკიოს ცენტრში ბინა 3.5 მლნ დოლარად შეიძინა. ჟურნალისტებმა სცადეს უტა ივანიშვილთან შეკითხვების დასმა, თუ რას საქმიანობს ის იაპონიაში.
ვიდეოკადრებში ივანიშვილის სახე ასევე დაფარულია. გამოცემის თქმით მან ჟურნალისტებს უთხრა, რომ ტოკიოში ვიდეო თამაშების სტარტაპითაა დაკავებული. ინტერნეტ გამოცემა წერს, რომ პრორუსი ოლიგარქის უფროსმა შვილმა ტოკიოში 3.5 მლნ დოლარად ბინა შეიძინა, და არ გამორიცხავენ, რომ მამის მსგავსად ისიც დაასანქცირონ.
ოლიგარქის ვაჟთან შეხვედრის შესახებ ინფორმაციას, დიპლომატი სოციალურ ქსელში "იუმორით" გამოეხმაურა - "მეგონა გაზაფხულის პირველი ნიავი იყო, მაგრამ ბუნშუნის [ინტერნეტგამოცემის სახელწოდება] ტყვია აღმოჩნდა"- წერს ლეჟავა.
იაპონური გამოცემის – Weekly Bunshun Online Edition-ის მიერ გამოქვეყნებულ სტატიას სათაურით "პროპუტინისტი დიქტატორის უფროსი ვაჟი ტოკიოში შენიშნეს!" - უცვლელად თარგმნა სტუდია მონიტორმა
