ოლიგარქის პოლიცია მომიტინგეებს გზის გადაკეტვის უფლებას არ აძლევს, ადგილზე ლევან გოგიჩაიშვილი დააკავეს
გამოქვეყნდა:
პროევროპული, უწყვეტი პროტესტის 75-ე დღე - რუსთაველის გამზირზე აქცია განახლდა, თუმცა ოლიგარქის პოლიცია მოქალაქეებს გზის გადაკეტვის უფლებას არ აძლევს - გზის გადაკეტვის მცდელობისას დააკავეს პარტია "გახარია - საქართველოსთვის" წევრი, ლევან გოგიჩაიშვილი.
არსებული ინფორმაციით, დაკავებულია კიდევ 2 ადამიანი.
პარლამენტის მიმდებარე ტერიტორიაზე საპოლიციო ძალების დიდი რაოდენობაა მობილიზებული, ადგილზე არიან ოლიგარქის სპეცრაზმელებიც.
ყოველდღიურ აქციას, რომელიც საკანონმდებლო ორგანოს შენობასთან უკვე 2 თვეზე მეტია გრძელდება, საზოგადოებრივი მაუწყებლის შენობის მიმდებარე ტერიტორიიდან რეჟიმის პატიმრების ოჯახის წევრები შეუერთდნენ.
მომიტინგეების მოთხოვნები უცვლელია: ჩაინიშნოს ახალი არჩევნები და გათავისუფლდნენ აქციების პერიოდში დაკავებული პოლიტპატიმრები.
ადგილზე მოქალაქეები სკანდირებენ: "ცეცხლი ოლიგარქის!", "ყველგან პოლიცია, არსად სამართალი!", "არ იქნება სამართალი, არ იქნება მშვიდობა!", "დამხობა რეჟმს, თავისუფლება ტყვეებს!", "ხალხი ითხოვს სამართალს!" და სხვა.
მომიტინგეებს მოტანილი აქვთ საყვირები.
