"არ ვურიგდებით დიქტატორულ რეჟიმს" | ხვალინდელ აქციას არასამთავრობო სექტორიც უერთდება
გამოქვეყნდა:
ხვალ დაგეგმილ მასშტაბურ საპროტესტო აქციას უერთდება არასამთავრობო სექტორი. ერთობლივი განცხადება სხვადასხვა ორგანიზაციების ხელმძღვანელებმა ცოტა ხნის წინ გამართულ პრესკონფერენციაზე გააკეთეს:
"ჩვენ არ ვურიგდებით იმ დიქტატორულ რეჟიმს, რომელიც დაამყარეს, ჩვენ არ ვურიგდებით იმ დაკავებებს, რომელთაც აქვთ ადგილი ბოლო თვეების განმავლობაში, ჩვენ არ ვურიგდებით წამებას, არაადამიანურ მოპყრობას, იმ დრაკონულ კანონებს, რომელსაც იღებენ" - განაცხადა ეკა გიგაურმა.
15 თებერვალს, უწყვეტი საპროტესტო გამოსვლების მე-80 დღეს - მოქალაქეები ახალი არჩევნების და პოლიტპატიმრების გათავისუფლების მოთხოვნით, 18 საათზე ევროპის მოედანზე შეიკრიბებიან და მსვლელობას გამართავენ.
