კონტრტერორისტული ოპერაციების ფარგლებში, ერთდროულად რამდენიმე სპეცოპერაცია ჩატარდა | დააკავეს საქართველოს ორი მოქალაქე
გამოქვეყნდა:
კონტრტერორისტული ოპერაციების ფარგლებში, ქვეყნის მასშტაბით ერთდროულად რამდენიმე სპეციალური ოპერაცია ჩატარდა, რის შედეგადაც საქართველოს ორი მოქალაქე დააკავეს.
დაკავებულების საცხოვრებელი სახლებიდან ამოღებულია მტკიცებულებები, მათ შორის, საბრძოლო მასალა, სხვადასხვა სახის ელექტრონული მოწყობილობა, ფულადი თანხა და სხვა მნიშვნელოვანი ნივთები. დაკავებული პირების საცხოვრებელი სახლებიდან ასევე ამოღებულია საერთაშორისო ტერორისტულ ორგანიზაციასთან შესაძლო კავშირის დამადასტურებელი სხვადასხვა მტკიცებულება.
გამოძიება საქართველოს სსკ-ის 328-ე მუხლით, უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში დახმარების ფაქტზე მიმდინარეობს.
გამოძიებას აწარმოებს სუს-ის კონტრტერორისტული ცენტრი.
