სახალხო დამცველის აპარატი 123 ცალი სხვადასხვა სახის ტანსაცმლის საკიდის შესაძენად ტენდერს აცხადებს
გამოქვეყნდა:
საქართველოს სახალხო დამცველის აპარატი ტანსაცმლის საკიდების შესაძენად ტენდერს აცხადებს, შესყიდვის სავარაუდო ღირებულება 4 590 ლარია. წინადადების მიღების პერიოდი კი 26-28 თებერვალი.
საქონლის მიწოდება ხელშეკრულების გაფორმებიდან 25 დღეში უნდა მოხდეს. შესყიდვის ობიექტის საგარანტიო ვადა კი სწორი ექსპლუატაციის პირობებში მიღება-ჩაბარების აქტის გაფორმებიდან 6 თვე უნდა იყოს.
დაფინანსების წყარო 2025 წლის სახელმწიფო ბიუჯეტის სახსრები იქნება.
ტანსაცმლის საკიდი უნდა იყოს 3 სახის:
55 ცალი საკიდი სადგამით, პირობებში ნათქვამია, რომ ფეხები უნდა ჰქონდეს იმგვარი კონსტრუქციის, რომ ტანსაცმლის მხოლოდ ერთ რომელიმე მხარეზე დაკიდების შემთხვევაში, საკიდი არ უნდა ბრუნდებოდეს. სასურველია ჰქონდეს განყოფილება ქოლგების ჩასადებად.
8 ცალი ტანსაცმლის გორგოლაჭიანი საკიდი. პირობა აქაც იგივეა, რომ არ უნდა ბრუნდებოდეს.
60 ცალი ტანსაცმლის საკიდარი ე.წ ვეშალკა ხის, ლითონის კაუჭით.
