ვანის სოფლებში შუქი და გაზი გაეთიშათ | ადგილობრივების ცნობით, რამდენიმე ოჯახი კონტაქტზე არ გამოდის
გამოქვეყნდა:
ვანის მოსახლეობა დახმარებას ითხოვს. როგორც ადგილობრივები "მთავარი არხის" ვებგვერდს ატყობინებენ, სოფელ ყუმურის მოსახლეობა ელექტროენერგიის გარეშეა. მათივე ცნობით, რამდენიმე დღეა უშედეგოდ ელოდებიან დახმარებას მერიისგან. თოვლის საფარმა კი უკვე 2 მეტრს გადააჭარბა და რეგიონში ბუნებრივი აირიც გაითიშა.
"დენი კარგა ხანია აღარ არის. იქნებ დაგვეხმაროს ვინმე. ბავშვები არიან სოფელში. რამდენიმე მოხუცი მარტოა. არავინ არაფერს ამბობს, მეორე დღეა ითხოვს მოსახლეობა დახმარებას. დილიდან ვრეკავთ სოფელში, რამდენიმე ოჯახში, როგორც ჩანს, ტელეფონები გაეთიშათ და კონტაქტზე არ გამოდიან. არ ვიცით როგორ არიან" გვეუბნება ერთ-ერთი ადგილობრივი.
