მოქალაქე გიორგი კუხალეიშვილმა ოლიგარქის პოლიციის თანამშრომლების წინააღმდეგ სტრასბურგის სასამართლოში სარჩელი შეიტანა

მოქალაქე გიორგი კუხალეიშვილმა სტრასბურგის ადამიანის უფლებათა სასამართლოში, თბილისის პოლიციის დეპარტამენტის თანამშრომლების წინააღმდეგ, მასზე ფსიქოლოგიური და ფიზიკური ზეწოლის ფაქტზე, სარჩელი შეიტანა. 

როგორც თავად ჰყვება, ის 2024 წლის 11 დეკემბერს, რუსთაველის გამზირის მიმდებარედ დააკავეს. მოქალაქე ამბობს, რომ მის მიმართ შსს-ის წარმომადგენლებმა დაკავებისას განახორციელეს არაადამიანური მოპყრობა, წამება, ფსიქოლოგიურო და ფიზიკური ზეწოლა. ოლიგარქის მოსამართლე ლელა მილდენბერგერმა 7 დღით ადმინისტრაციული პატიმრობა მიუსაჯა. 

კერძოდ, გიორგი კუხალეიშვილის ინფორმაციით, მასზე თბილისის პოლიციის დეპარტამენტის დირექტორმა სულხან თამაზაშვილმა, იოსებ სიგუამ, გიორგი ოთარაშვილმა, კახაბერ მურადაშვილმა, შაკო მეგულაშვილმა და დავით გიორგაშვილმა იძალადეს. 

ასევე, მოქალაქე ჰყვება, რომ მის Facebook გვერდზე პოლიციელები შევიდნენ და დანაშაულებრივი მოწოდებების შემცველი პოსტები დადეს. თუმცა გიორგი კუხალეიშვილის თქმით, თავის სოციალურ ქსელზე წვდომა დღემდე არ აქვს, ტელეფონები 4 თვეა ჩამოართვეს და ექსპერტიზაზეა გადაგზავნილი. 

"სარჩელი [ადვოკატებმა] მამუკა იაშვილმა და ფრიდონ სიხუაშვილმა გაამზადეს და დღეს შევიდა სტრასბურგის სასამართლოში. ჩემსავით ბევრი ახალგაზრდა დააკავა რუსულმა რეჟიმმა უსამართლოდ და მინდა აგონ პასუხი ნაძირალა მილიციელებმა," - განუცხადა "მთავარი არხის" ვებგვერდს გიორგი კუხალეიშვილმა.