"გუშინ ჩვენ ვნახეთ როდიონოვები" | პაპუაშვილი პოლიტპატიმრების მშობლების ორგანიზებული აქციის მონაწილეებს ისევ საბჭოთა ჯარისკაცებს ადარებს
გამოქვეყნდა:
"ოცნების" პარლამენტის თავმჯდომარე შალვა პაპუაშვილი პოლიტპატიმრების მშობლების ორგანიზებული აქციის მონაწილეებს ისევ საბჭოთა ჯარისკაცებს ადარებს.
"გუშინ ჩვენ ვნახეთ როდიონოვები, სხვადასხვა ტანისამოსში, სხვადასხვა სქესში და სხვადასხვა ასაკში. აი, ეს ვიხილეთ გუშინ, ყველა ადამიანი, ვინც თავს ესხმოდა 9 აპრილის მონაწილეებს, ვინც თავს ესხმოდა იქ მისულებს, თავისი არსით აგრძელებს იმ საქმეს, რაც მაშინ ნიჩბებით შეიარაღებულმა საბჭოთა რუსმა ჯარისკაცებმა ჩაატარეს 1989 წლის 9 აპრილს. მაშინ ჩეხავდნენ ნიჩბებით, დღეს ჩეხენ სიტყვებით - ზიზღით და დაპირისპირებით", - თქვა პაპუაშვილმა.
შეგახსენებთ, რომ გუშინ, 9 აპრილთან დაკავშირებით, პაპუაშვილმა პროპაგანდისტული განცხადება გაავრცელა - მან კობახიძის მსგავსად "უცხო ძალაზე" დაწერა, თუმცა როდიონოვის ჯალათებსა და აქციის მონაწილეებს შორის ტოლობის ნიშანს დასვა.
