საქართველოში ცხოვრების ხარისხი ყველაზე მაღალი თბილისშია, ყველაზე დაბალი კი ლენტეხში | ISET-ის მუნიციპალური ცხოვრების ხარისხის ინდექსი
გამოქვეყნდა:
საქართველოში ცხოვრების ხარისხი ყველაზე მაღალი თბილისშია, ყველაზე დაბალი კი ლენტეხში. ამის შესახებ მონაცემები ISET-ის მუნიციპალური ცხოვრების ხარისხის ინდექსშია წარმოდგენილი, რომელიც 2025 წლის მარტში გამოქვეყნდა და 2023 წლის მონაცემებს ეფუძნება.
ISET-ის მუნიციპალური ცხოვრების ხარისხის ინდექსი აერთიანებს ოთხ ძირითად მიმართულებას: ეკონომიკა; დაკავშირებულობა, ინფრასტრუქტურა და სერვისები; დემოგრაფია და სოციალური ხელმისაწვდომობა; ადგილობრივი დემოკრატია.
2023 წლის ცხოვრების ხარისხის ინდექსი მერყეობს უმაღლესი 0.67-დან, რომელიც დედაქალაქმა თბილისმა მიიღო, უმცირეს 0.28-მდე, რომელიც ლენტეხის მუნიციპალიტეტში დაფიქსირდა. საშუალო ინდექსის მაჩვენებელი 0.40-ს შეადგენს, 22 მუნიციპალიტეტში ფიქსირდება საშუალოზე მაღალი მაჩვენებელი, ხოლო 38 მუნიციპალიტეტში – საშუალოზე დაბალი.
ცხოვრების ხარისხის ინდექსის მიხედვით მუნიციპალიტეტების პირველი ოცეული ასე გამოიყურება:
- თბილისი
- ბათუმი
- ყაზბეგი
- ფოთი
- რუსთავი
- ბორჯომი
- თელავი
- მცხეთა
- ქუთაისი
- ხარაგაული
- გორი
- ახალციხე
- ქობულეთი
- წალკა
- გარდაბანი
- კასპი
- თეთრიწყარო
- ხაშური
- ყვარელი
- ზესტაფონი
5 მუნიციპალიტეტი, სადაც ყველაზე დაბალი ხარისხია შემდეგია: ხულო, მარტვილი, მარნეული, ცაგერი, ლენტეხი.
რაც შეეხება ცალკეული ინდიკატორის მიხედვით. ეკონომიკის მიმართულებით ყველაზე მაღალი ხარისხი შემდეგ 5 მუნიციპალიტეტშია: თბილისი, ბათუმი. ყაზბეგი, ფოთი, მცხეთა. ყველაზე დაბალი ბაღდათი, მარტვილი, შუახევი, ცაგერი, ლენტეხი.
დაკავშირებულობის, ინფრასტრუქტურის და სერვისების მიმართულების მიხედვით მაღალი მაჩვენებელი: თბილისი, ბათუმი, თელავი, ყაზბეგი, ქუთაისი. ყველაზე დაბალი: ჩხოროწყუ, წალენჯიხა, ლენტეხი, ცაგერი, მესტია.
დემოგრაფიისა და სოციალური წვდომის მიმართულების მიხედვით მაღალი მაჩვენებელი : თბილისი, ბათუმი, ნინოწმინდა, ქუთაისი, ყაზბეგი. ყველაზე დაბალი: მარტვილი, ცაგერი, ჩხოროწყუ, ოზურგეთი, ამბროლაური.
ადგილობრივი დემოკრატიისა და გენდერული თანასწორობის მიმართულების მიხედვით მაღალი მაჩვენებელი: თბილისი, ხარაგაული, ფოთი, ამბროლაური, ზუგდიდი. დაბალი მაჩვენებელი: გარდაბანი, ბოლნისი, დმანისი, ნინოწმინდა, მარნეული.
