ძლიერმა წვიმამ საჩხერის მუნიციპალიტეტის სოფლებში პრობლემები შექმნა.
გუშინ გვიან ღამით, ჭალოვანსა და ხვანში ღვარცოფულმა მოვლენებმა ცენტრალური საავტომობილო გზის რამდენიმე მონაკვეთის პარალიზება გამოიწვია. ადიდებულმა მდინარე ფიცხავამ სოფელ ჭალოვანში დააზიანა 1 კმ-მდე ცენტრალური გზა და მასზე არსებული ხიდ-ბოგირი. ასევე სანიაღვრე, ნაპირსამაგრი ნაგებობები და გაბიონები.
სტიქიის ადგილზე დილიდან მუშაობს შესაბამისი ტექნიკა და ამ დროისთვის ცენტრალურ საავტომობილო გზაზე მოძრაობა აღდგენილია, ხოლო დაზიანებული ხიდის მიმდებარედ მოეწყო შემოვლითი გზა.
[ინფო იმერეთი]
