მაღაროელები იმ თანამშრომლების ხელმოწერებს აგროვებენ, რომლებმაც გათავისუფლების განცხადებებს ხელი არ მოაწერეს | პროტესტი გრძელდება
გამოქვეყნდა:
ჭიათურელი მაღაროელები იმ თანამშრომლების ხელმოწერებს აგროვებენ, რომლებმაც მათი თქმით, კომპანიის ან ადგილობრივი ხელისუფლების წარმომადგენლების მუქარის მიუხედავად, გათავისუფლების განცხადებებს ხელი არ მოაწერეს. ამ დროისათვის ხელმოწერების რაოდენობამ 900-ს გადააჭარბა.
"ამ ყველაფრის ფონზე, კომპანია არ ჩერდება — უამრავი ფიზიკური, ფინანსური და ადმინისტრაციული რესურსის გამოყენებით ძალდატანებით, დაშინებითა და მუქარით აწერინებს ხალხს ხელს იმ დოკუმენტზე, რომელიც დასაქმებულებისთვის კეთილდღეობის მომტანი არ არის". - ამბობენ მაღაროელები, რომელთა პროტესტის ჭიათურაში უკვე ორ თვეზე მეტია გრძელდება.
პროტესტის ნიშნად, შიმშილობის 6 ადამიანი. ერთ-ერთი მათგანი გუშინ შეუძლოდ გახდა და საჭირო გახდა მისი საავადმყოფოში გადაყვანა. ასევე, დაკავებულია 4 პირი.
პროტესტის მონაწილეები კრიზისის მოგვარებაში "ოცნების" მთავრობის ჩართვას და კობახიძესთან შეხვედრას მოითხოვენ და კომპანიის მიერ
გამოცხადებულ რეორგანიზაციას არ ეთანხმებიან.
