ვანო ზარდიაშვილი საქართველოს სახელმწიფო ელექტროსისტემის გენერალურ დირექტორად დაინიშნა

ვანო ზარდიაშვილი საქართველოს სახელმწიფო ელექტროსისტემის გენერალურ დირექტორად დაინიშნა.

მანამდე, სახელმწიფო ელექტროსისტემის დირექტორი დავით ტეტუნაშვილი იყო, ის ფინანსურ საკითხებში დირექტორის თანამდებობაზე გააგრძელებს საქმიანობას.

ვანო ზარდიაშვილი 2004-2006 წლებში იყო გენერალური პროკურორის მრჩეველი, 2004 წელს - საქართველოს სახელმწიფო უშიშროების მინისტრის და საქართველოს იუსტიციის მინისტრის თანაშემწე.

2007-2010 წლებში ქ. თბილისის მერიაში იკავებდა სხვადასხვა მმართველობით პოზიციას.

2010-2013 წლებში საქმიანობდა სასამართლო სისტემაში, თბილისის საქალაქო სასამართლოს ადმინისტრაციის უფროსის და საქართველოს იუსტიციის უმაღლესი საბჭოს დეპარტამენტის უფროსის მოადგილის თანამდებობებზე.

2013-2016 წლებში მუშაობდა სახელმწიფო აუდიტის სამსახურში, შიდა აუდიტის დეპარტამენტის უფროსის, ხოლო შემდეგ გენერალური აუდიტორის პირველი მოადგილის თანამდებობებზე.

2019-2020 წლებში იკავებდა შპს „ენერგოტრანსის“ დირექტორის პირველი მოადგილის თანამდებობას.

2020 წლიდან 2021 წლამდე იყო სსე-ის მმართველთა საბჭოს წევრი.

2021 წლიდან 2025 წლამდე კი სსე-ის დირექტორად მუშაობდა იურიდიულ, გარემოს დაცვის, სოციალურ და ნებართვების საკითხებში.

ასევე ვანო ზარდიაშვილი მე-9 მოწვევის პარლამენტის წევრი იყო "ქართული ოცნებიდან".